ქართველი ოლიმპიური ჩემპიონების, ზურაბ საკანდელიძისა და მიხეილ ქორქიას მემორიალი „კავკასიამ“ ისტორიაში პირველად მოიგო.
ბექა წივწივაძის გაწვრთნილმა კავკასიის საერთაშორისო უნივერსიტეტის გუნდმა ფინალში 106:99 დაამარცხა ქუთაისი-2010. მატჩის დასრულებამდე 1:40 წუთი იყო დარჩენილი, როცა კავკასია 21 ქულით – 104:83 იგებდა, თუმცა დარჩენილ დროში ქუთაისელებმა 19 ქულა დააგროვეს და სხვაობა მნიშვნელოვნად შეამცირეს.
საუკეთესო შედეგი ჯავაუნ დანიელსმა დააფიქსირა, 19 ქულა, 7 მოხსნა და 2 პასი. „კავკასიის“ კალათბურთელი ასევე გახდა ტურნირის საუკეთესო ფორვარდი, რომელიც სუპერლიგისა და ასაკობრივი ლიგების დირექტორმა, გიორგი ჯაფარიძემ დააჯილდოვა.
კავკასიის საერთაშორისო უნივერსიტეტის გუნდის კაპიტანს, ილია ლონდარიძეს საჩემპიონო თასი ზურაბ საკანდელიძის მეუღლემ, მანანამ და შვილიშვილმა, ანა საკანდელიძემ გადასცეს.
საკანდელიძისა და ქორქიას მემორიალს ახალი გამარჯვებული ჰყავს
