ლა ლიგაში სელტასთან განცდილი მძიმე მარცხის შემდეგ, რეალ მადრიდის მთავარმა მწვრთნელმა ჩაბი ალონსომ მედიასთან ისაუბრა.
"სამსახურის დაკარგვა? ამაზე საერთოდ არ ვნერვიულობ, ახლა მხოლოდ მანჩესტერ სიტისთან მატჩზე ვფიქრობ. სხვა დიდად არაფერია სათქმელი, ჩვენ როგორც გამარჯვების დროს ვართ ერთიანი, ისე ვართ წაგების დროსაც - ჩვენ უკვე მომდევნო მატჩზე ვფიქრობთ.
მსაჯის გადაწყვეტილებები საერთოდ არ მომეწონა, ვფიქრობ, ძალიან ცუდად იმუშავეს. რამდენიმე გადაწყვეტილებამ გაგვაგიჟა და ასე გაგრძელება არ შეიძლება. ასეთ დიდ ლიგაში, ასეთი შეცდომების დაშვება მიუღებელია.
დღევანდელი მარცხი? საკმარისად ძლიერად ვგრძნობ თავს, რომ ეს სიტუაცია შევცვალო. ამ გუნდს კონკურენცია სურს და ჩვენ სწორ გზაზე ვართ. ლა ლიგის დასრულებამდე ჯერ კიდევ ბევრი დროა დარჩენილი. მჯერა, რომ სიტუაციის შეცვლა შეგვიძლია."
რეალ მადრიდი ლიდერ ბარსელონას უკვე 4 ქულით ჩამორჩა. სამეფო კლუბმა ლა ლიგაში ბოლო 5 მატჩიდან მხოლოდ ერთი მოიგო, რაც ძალიან ცუდი სტატისტიკაა.
