მაიკლ ოუენმა პრემიერ ლიგის მოახლოებული სეზონის შესახებ ისაუბრა. ყოფილი თავდამსხმელი მიიჩნევს, რომ ჩემპიონი კვლავ მანჩესტერ სიტი გახდება, რომელიც მისი აზრით, პეპ გვარდიოლას წასვლამდე, უკონკურენტო იქნება. შეგახსენებთ, რომ "ქალაქელებმა" ბოლო შვიდ სეზონში ჩემპიონობა ექვსჯერ იზეიმეს.
"ჩემპიონი კვლავ სიტი გახდება. სამეულში ასევე, ლივერპული და არსენალი შევლენ. გამოკვეთილად მეოთხე გუნდი ახალ სეზონს არ ეყოლება. შესაძლოა, ეს იყოს ტოტენჰემი ან ასტონ ვილა. რაც შეეხებათ მანჩესტერსა და ჩელსის, მეეჭვება, რომ ამ გუნდებმა ფავორიტებს კონკურენცია გაუწიონ. მნიშვნელოვნად არაფერი შეიცვლება.
შესაძლოა, მხოლოდ გვარდიოლას წასვლის შემდეგ შეიცვალოს რაიმე. იქამდე კი მანჩესტერული გუნდი უკონკურენტო იქნება. ძალიან რთულია ტიტულის მოგება, როცა შენი მეტოქე პეპია", - განაცხადა ყოფილმა ინგლისელმა ფორვარდმა.
