ჩემპიონთა ლიგის მე-6 ტურში, მანჩესტერ სიტიმ გასვლაზე მადრიდის რეალი 2-1 დაამარცხა. მატჩის შემდეგ, მანჩესტერული კლუბის მთავარმა მწვრთნელმა, პეპ გვარდიოლამ კომენტარი გააკეთა.
"გარკვეულ მონაკვეთებში რეალი ჩვენზე ბევრად უკეთესი იყო. შეგვეძლო უბრალოდ გვეირბინა, მაგრამ სათამაშო ეპიზოდებში და სივრცეების გადაკეტვისას ხშირად ვაგვიანებდით. მატჩის მიმდინარეობისას თამაშის ხარისხი გამოვასწორეთ და გამარჯვება შევძელით."
"რა თქმა უნდაშედეგით კმაყოფილი ვარ, მაგრამ ისიც ვიცი, რომ ბევრად, ბევრად უკეთ უნდა ვითამაშოთ და მსგავსი მატჩები კიდევ უფრო გაგვაძლიერებს.მეორე ტაიმში მეტი გოლის გატანის შანსი და მეტი ჟინი გვქონდა, თუმცა მანამდე ისინი ჩვენზე ბევრად უკეთესები იყვნენ."
"სანტიაგო ბერნაბეუზეჩამოსვლა და მოგება ძალიან რთულია. დღეს ჩემი ფეხბურთელების ბრძოლისუნარიანობითა და შემართებით კმაყოფილი ვარ, მაგრამ ნახევარფინალის ან ფინალის მოსაგებად, პარიზში, ენფილდზე ან ბარსელონაში გამარჯვებისთვის, ბევრად, ბევრად უკეთ უნდა ვითამაშოთ" — პეპ გვარდიოლა.
აღნიშნული გამარჯვების შემდეგ, მანჩესტერ სიტის 13 ქულა აქვს და 2 ტურით ადრე სატურნირო ცხრილში მე-4 ადგილს იკავებს. მომდევნო ტურში პეპ გვარდიოლას გუნდი ბოდო/გლიმტს ესტუმრება.
