სუპერთასზე გამართული შეხვედრა პსჟ-სა და ტოტენჰემს შორის 2:2 დასრულდა, პენალტების სერიაში კი გამარჯვება პსჟ-ს დარჩა.
მატჩის შემდეგ კომენტარი დეზების მთავარმა მწვრთნელმა თომაშ ფრანკმა გააკეთა.
"არ დაგავიწყდეთ, რომ მსოფლიოს ერთ-ერთ გამორჩეულ გუნდს ვეთამაშეთ და ის 80 წუთი, რაც ჩემმა გუნდმა ჩაატარა, იდეალური იყო და საოცრად ამაყი ვარ.
პირველი გაშვებული გოლის შემდეგ, ანგარიშის შენარჩუნება გაგვიჭირდა და სამწუხაროდ, ტიტულის გარეშე დავრჩით.
თუმცა დამეთანხმებით, რომ იყო ბევრი პოზიტიური ნიშნები, რაც იმედს გვაძლევს, რომ ეს გუნდი მომავალში კიდევ უფრო კარგ მატჩებს ჩაატარებს", - განაცხადა ფრანკმა.
