2025 წლის ევრობასკეტი საქართველოს ნაკრებმა სენსაციური გამარჯვებით დაიწყო. ჩვენმა გუნდმა ევროპის მოქმედ ჩემპიონ ესპანეთს83:69მოუგო.
მატჩის საუკეთესო მოთამაშედ FIBA-მ სანდრო მამუკელაშვილი დაასახელა, რომელსაც სპეციალური პრიზი გადაეცა.
მამუკელაშვილმა მოედანზე 31:10 წუთი გაატარა, რა დროშიც 19 ქულა, 7 მოხსნა, 6 შედეგიანი გადაცემა და ერთი ჩაჭრა დააგროვა.
საქართველოს ნაკრებს მორიგი შეხვედრა 30 აგვისტოს იტალიის ნაკრებთან ელის.
საქართველოს ნაკრების ოფიციალური შემადგენლობა ევროპის ჩემპიონატზე:
რატი ანდრონიკაშვილი, კამარ ბოლდუინი, გიორგი ოჩხიკიძე, კახა ჯინჭარაძე, დუდა სანაძე, ალექსანდრე ფევაძე, თორნიკე შენგელია, სანდრო მამუკელაშვილი, ბექა ბურჯანაძე, გიორგი კორსანტია, გოგა ბითაძე, გიორგი შერმადინი.
საქართველოს ნაკრების მატჩების განრიგი, თბილისის დროით:
საქართველო – იტალია - 30 აგვისტო, 16:00 საათი
საქართველო – საბერძნეთი - 31 აგვისტო, 16:00 საათი
საქართველო – კვიპროსი - 2 სექტემბერი, 19:15 საათი
საქართველო – ბოსნია-ჰერცეგოვინა - 4 სექტემბერი, 16:00 საათი
