ბორჯღალოსნებთან მატჩის წინ, ირლანდიის ეროვნული ნაკრების კაპიტანმა, კრეიგ კეისმა კომენტარი გააკეთა და აღნიშნა, რომ საქართველოს მაღალი დონის მორაგბეები ჰყავს.
"ირლანდიის ნაკრების კაპიტნობა ჩემთვის უდიდესი პატივია და მახარებს, რომ ამ საფეხურს მივაღწიე. ჩვენ ამ მატჩს უდიდესი პასუხისმგებლობით ვეკიდებით და ვიცით, რომ წინ უმნიშვნელოვანესი შეხვედრა გველოდება. საქართველოს ნაკრები ფიზიკურად გამორჩეულად ძლიერი გუნდია და უმაღლესი დონის მორაგბეები ჰყავს. დავით ნინიაშვილი მსოფლიო დონის მოთამაშეა, რაც მან საფრანგეთის ტოპ 14-სა და ევროპულ ტურნირებზე არაერთხელ დაამტკიცა. ასევე, მინდა გამოვყო ლუკა მატკავა, ვასილ ლობჟანიძე და აკა ტაბუცაძე. მათ შესახებ საკმაოდ ბევრ ინფორმაციას ვფლობთ და მათ წინააღმდეგ თამაშისას მაქსიმალური კონცენტრაცია გვმართებს. რა თქმა უნდა, საკუთარ კედლებში თამაში და გულშემატკივრების მხარდაჭერა ბორჯღალოსნებისთვის დიდი უპირატესობა იქნება. საქართველოს ჰყავს ძლიერი მოთამაშეები მეორე და მესამე ხაზში, ამიტომ რაქებში განსაკუთრებული ყურადღებით თამაში მოგვიწევს. ეს ჩვენთვის სერიოზული გამოწვევაა."
საქართველოს და ირლანდიის მორაგბეთა ეროვნული ნაკრებების დაპირისპირება ხვალ, 5 ივლისს, მიხეილ მესხის სახელობის სტადიონზე გაიმართება და სტარტს 21 საათზე აიღებს.
ფოტო: ლევან ვერძეული
