რამდენიმე წუთის წინ იტალიაში მიმდინარე ზამთრის ოლიმპიურ თამაშებზე საქართველოდან ანასტასია გუბანოვამ იასპარეზა. დღეს ფიგურულ ციგურაობაში გუნდური ასპარეზობა მიმდინარეობს.
ანასტასიამ 67.79 ქულა დააგროვა, მე-5 ადგილი დაიკავა და საქართველოს 6 ქულა მოუტანა. პირველი საშეჯიბრო დღის შემდეგ, ჩვენი გუნდი 20 ქულით მე-4 ადგილზე იმყოფება.
შეგახსენებთ, დღეს გუნდურ ასპარეზობაში დღეს რიტმულ ცეკვებში საქართველოდან დიანა დევისისა და გლებ სმოლკინის წყვილმა იასპარეზა და ჩვენ გუნდს 5 ქულა მოუტანა.
მოკლე პროგრამაში წყვილთა შორის ლუკა ბერულავამ და ანასტასია მეტელკინამ 77.54 ქულა დააგროვეს, მეორე პოზიცია დაიკავეს და საქართველოს 9 ქულა მოუტანეს.
ხვალ ნიკა ეგაძე მოკლე პროგრამით იასპარეზებს.
ფინალში 10 ნაკრებიდან 5 საუკეთესო გუნდი გადის.
