უნგრეთის დედაქალაქ ბუდაპეშტში მიმდინარე 2025 წლის ჯუდოს მსოფლიო ჩემპიონატის გუნდურ შეჯიბრებაში, საქართველოს ოქროს მედლის მოგების შანსი აქვს.
საქართველოს ნაკრებმა ასპარეზობა ჩინეთის დამარცხებით დაიწყო, ხოლო 1/4 ფინალში იტალიას აჯობა. 1/2 ფინალში კი ისტორიაში პირველად მოუგო იაპონიის ნაკრებს და ფინალში გავიდა.
ოქროსთვის ბრძოლაში საქართველოს ნაკრების მეტოქე სამხრეთ კორეა იქნება, რომელმაც მონღოლეთი, საფრანგეთი და გერმანია დაამარცხა. ფინალური ბლოკი თბილისის დროით 20 საათზე დაიწყება.
