საქართველოს ნაკრების ფეხბურთელებს ღირსების ორდენზე წარადგენენ

საქართველოს ნაკრების ფეხბურთელებს, რომლებმაც ახალი ისტორია დაწერეს და ევროპის ჩემპიონატის საგზური მოიპოვეს, ღირსების ორდენზე წარადგენენ.

აღნიშნული ინფორმაცია, საქართველოს პრემიერ მინისტრმა, ირაკლი კობახიძემ გაავრცელა და აღნიშნა, რომ ნაკრების ყველა წევრი დაჯილდოვდება ღირსების ორდენით.

"გადაწყვეტილება მინდა გაცნობოთ, რომელიც საქართველოს პარლამენტის თავმჯდომარესთან ერთად მივიღეთ - ჩვენი ბიჭები წარდგენილნი იქნებიან ღირსების ორდენზე" - ირაკლი კობახიძე.

შეგახსენებთ, რომ საქართველოს ეროვნულმა ნაკრებმა, ევრო 2024-ის შესარჩევი ეტაპის პლეიოფის ფინალში, საბერძნეთი თერთმეტმეტრიანების სერიაში დაამარცხა და ისტორიაში პირველად, ევროპის ჩემპიონატის საგზური მოიპოვა.