ბათუმმა ძალოსნობაში ევროპის ჩემპიონატს უმასპინძლა. ორი ოქრო, ორი ვერცხლისა და ოთხი ბრინჯაოს მედალი, - ასეთი შედეგით დაასრულა საქართველოს ძალოსანთა ნაკრებმა ჩემპიონატზე ასპარეზობა.
გოდერძი ბენდელიძემ (60 კგ) ატაცში 125 კგ. დაძლია და ოქროს მედალი მოიპოვა. ზურაბ მსხალაძემ (88 კგ.) აკვრაში 200 კგ .დააფიქსირა და ოქროს მედალიმოიპოვა,ორჭიდის ჯამში კი ვერცხლის მედალდ დაეუფლა.
ატაცში ევროპის ვიცე-ჩემპიონი გახდა საქართველოს სახელით მოასპარეზე ანასტასია გოტფრიდი (+86 კგ), მან ატაცში 118 კგ დაძლია, ორჭიდის ჯამში დაგროვებული 262 კილოგრამით კი ბრინჯაოს მედალი მოიპოვა.
ატაცში ბრინჯაოს მედალს დასჯერდა რამინ შამილიშვილი (60 კგ.), მან 122 კილოგრამი დაძლია. ატაცში ბრინჯაოს მედალოსანი გახდა მანუჩარ გოგოხიაც (88 კგ.), მან 166 კგ. დაძლია.
აკვრაში ბრინჯაოს პრიზიორი არჩილ მალაყმაძე (79 კგ.) გახდა, ქართველმა 183 კილოგრამი დაძლია.
ტურნირში 45 ქვეყნის 350 ძალოსანი მონაწილეობდა.
საქართველომ ძალოსნობის ევროპის ჩემპიონატს მესამედ უმასპინძლა, ბათუმმა კი - მეორედ. ჩემპიონატი პირველად 2015 წელს ჩატარდა თბილისში, 2019 წელს კი - ბათუმში.
