ევრობასკეტისთვის მზადების ფარგლებში საქართველოს კალალთბურთელთა ნაკრებმა ბოლო სპარინგ მატჩი ჩეხეთთან სტუმრად გამართა და 87:100 წააგო.
საქართველოს ნაკრებიდან ყველაზე შედეგიანი სანდრო მამუკელაშვილი იყო, რომელმაც 22 ქულა დააგროვა, 14 ქულა ბექა ბურჯანაძემ, 13 – კი გიორგი შერმადინმა და დუდა სანაძემ მიითვალეს.
შეხვედრაში მონაწილეობა არ მიუღია საქართველოს ნაკრების კაპიტანს, თორნიკე შენგელია ჯანმრთელობის მდგომარეობის გამო, ესპანეთში გამოკვლევებზე იმყოფება და გუნდს კვიპროსში შეუერთდება.
საქართველოს ნაკრებმა ევროპის ჩემპიონტისთვის მოსამზადებელ ეტაპზე ექვსი სპარინგ მატჩი გამართა და ექვსივე წააგო.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში გაიმართება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით შეიკრიბება და 4 საუკეთესოს გამოავლენს. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონი გამოვლინდება.
საქართველოს ნაკრები კვიპროსში, მასპინძელ ნაკრებთან, იტალიასთან, ბოსნია და ჰერცეგოვინასთან, ესპანეთთან და საბერძნეთთან ერთად იასპარეზებს. ჩვენი გუნდი პირველ მატჩს 28 აგვისტოს,ესპანეთთან გამართავს.
