საქართველოს საკალათბურთო თასის გამარჯვებული “ქუთაისი 2010” გახდა. ქუთაისელებმა თბილისი არენაზე გამართულ ფინალურ მატჩში თბილისის სახელმწიფო უნივერსიტეტი 83:76 დაამარცხეს.
თსუ თასის შარშანდელი გამარჯვებული იყო. ქუთაისელებმა საქართველოს თასი მეხუთედ მოიგეს, რაც ქართულ კალათბურთში საუკეთესო შედეგია.
თასის გათამაშების საუკეთესო მოთამაშედ გიორგი ოჩხიკიძე დასახელდა. ოჩხიკიძემ ფინალურ შეხვედრასი ყველაზე მეტი 21 ქულა დააგროვა. ორმაგი დუბლი ილაია ჯოინერმა (14 ქულა, 10 მოხსნა) და აკაკი დვალიშვილმა (13 ქულა, 10 მოხსნა) შეასრულეს. თსუ-ს რიგებში 17 ქულით გლენ აბრამი გამოირჩა.
გამარჯვებულ გუნდს მედლები და თასი გადაეცა.
