დღეს გაიმართება საქართველოს სუპერთასის ფინალური დაპირისპირება გორის დილასა და სპაერს შორის.
ორივე ამ გუნდმა ფინალში გასასვლელად მძიმე ბრძოლა გაიარა. დილამ იბერია ნახევარფინალში 3:1 დაამარცხა ისე, რომ პირველი გოლი გაუშვა, სპაერმა კი ტორპედოს პენალტების სერიაში მოუგო.
თუმცა სანამ საქმე პენალტებამდე მივიდოდა, სპაერმა ბრწყინვალე ფეხბურთი ითამაშა და იმერული გუნდის წინააღმდეგ უამრავი მომენტი შექმნა.
აღსანიშნავია, რომ სპაერი ისტორიის წერას ყოველჯერზე განაგრძობს. ისინი საქართველოს თასის მოქმედი გამარჯვებულები არიან, ეროვნული ლიგა 2-ში პირველ ადგილს იკავებენ და ახლოს არიან ეროვნულ ლიგაში გადასვლასთან. ეს ყველაფერი გამოსარჩევი იმიტომაა, რომ სპაერი სულ რაღაც 8 წლის წინ დაარსდა და ყოველწელს პროგრესირებს.
დილას მენეჯმენტი იგივეა, რაც ბოლო წლებში - გუნდს ჩამოჰყავს ბევრი ლეგიონერი, რომელთა უმეტესოა ამართლებს, კარგად თამაშობს და შედეგიც მოდის. დილა ეროვნულ ლიგაში მეორე ადგილზეა და ჩემპიონობისთვის იბრძვის.
დილა - სპაერი
საქართველოს სუპერთასი, ფინალი
2 ივლისი, 20:00
დავით პეტრიაშვილის სტადიონი, თბილისი
მთავარი მსაჯი: ალეკო აფციაური
