15 ნოემბერს, დინამო არენა მსოფლიო ჩემპიონატის საკვალიფიკაციო ეტაპის მატჩს უმასპინძლებს, სადაც ერთმანეთს საქართველოსა და ესპანეთის ნაკრებები დაუპირისპირდებიან.
ესპანეთის ნაკრების მთავარმა მწვრთნელმა ლუის დე ლა ფუენტემ მოახლოვებული მატჩის წინ კომენტარი გააკეთა.
"ჩემი ნაკრებით და ფეხბურთელებით ამაყი ვარ, რადგან ვთვლი, რომ ევროპაში გამორჩეული ნაკრები გვყავს და ბრწყინვალე გუნდი ვართ. მოახლოვებულ მატჩებში მხოლოდ ერთი თამაშის კი არა, ორივე მატჩის მოგებაზე უნდა ვიფიქროთ.
საქართველოში ერთი მიზნისთვის ჩავდივართ - ვიყოთ კონკურენტუნარიანი გუნდი, გავიმარჯვოთ და საუკეთესო ნაკრების წოდება შევინარჩუნოთ.
იამალი? - როგორც გამოჩნდა, ის სათამაშოდ მზად არის, კლუბში ითამაშა და შესაბამისად, ნაკრებშიც გამოვიძახეთ. ეროვნულ ნაკრებში ყოველთვის საუკეთესო ფეხბურთელები მჭირდება", - განაცხადა დე ლა ფუენტემ.
