ახლა კი როგორც ცნობილი ხდება, ბაიერნსა და გალათასარაის შორის სიტყვიერი შეთანხმება შედგა და ახალგაზრდა ფრანგ მცველს, ხვალ უკვე გერმანიაში ელოდებიან. საუბარია €30 მილიონიან გარიგებაზე + ბონუსებზე. მიუნხენური გუნდი თავიდან €20 მილიონამდე იხდიდა, რაზეც თურქული კლუბისგან მარტივი უარი მიიღეს. იმის ფონზე, რომ ბაზარზე სხვა კარგი ვარიანტი აღარ იყო და სატრანსფერო ფანჯრის დახურვამდე სულ რაღაც 5 დღეა დარჩენილი, ბაიერნის უფროსობამ შეთავაზება გაზარდა და ტრანსფერიც დახურვის პირასაა.
საშა ადგილობრივი რენის აღზრდილია, სადაც 4 წლის განმავლობაში თამაშობდა. 2021 წელს კი, თურქულმა გრანდმა ფეხბურთელი სულ რაღაც €1.15 მილიონად შეიძინა და მალევე გუნდის ერთ-ერთი ლიდერიც გახდა. 23 წლის ფრანგმა გალათასარაიში 83 მატჩი ჩაატარა და ამ დროში თურქეთის ჩემპიონობაც იზეიმა.
