პაოლო დი კანიომ გააკრიტიკა მილანის შემტევი, რაფაელ ლეაო. ვეტერანი ფეხბურთელის თქმით, ის არ შეეფერება გუნდს, რომელსაც მაღალი მიზნებისთვის ბრძოლა უნდა. იტალიელმა ექს-ფორვარდმა ხაზი გაუსვა პორტუგალიელი ვინგერის მინუსებს და მასზე წინ ქენან ილდიზი დააყენა.
"სერია ა-მ მაგალითი უნდა აიღოს ლა ლიგასა და ბუნდესლიგასგან. დაივიწყეთ პრემიერ ლიგა, იქ სულ სხვა სამყარო არის. ამ ჩემპიონატების ტოპ კლუბებში არ თამაშობენ შემსრულებლები, რომელთა გარშემო აზრი ორად იყოფა. თანამედროვე ფეხბურთში ერთი მინუსიც კი პრობლემაა, ლეაოს კი ასეთი რამდენიმე აქვს.
მხოლოდ სერია ა-ში შეგვიძლია ასეთი ფეხბურთელის ატანა, რადგან მაღალი დონის შემსრულებლების ნაკლებობას განვიცდით. მილანს თუ უნდა ამბიციური კოლექტივისა და სწორი ატმოსფეროს მიღება, რაფა უნდა მოიშოროს. მისი ადგილი ტოპ კლუბში უბრალოდ არ არის. პორტუგალიელზე წინ ილდიზს დავაყენებდი", - განაცხადა "როსონერის" ექს-ფორვარდმა.
