ტორინოს მთავარმა მწვრთნელმა, მარკო ბარონიმ საბა საზონოვზე ისაუბრა. შეგახსენებთ, რომ სეზონის დაწყების წინ, გუნდმა ახალგაზრდა ქართველი უკანახაზელი დატოვა განაცხადს მიღმა, მაგრამ დეკემბერში ის დააბრუნეს. ამის მიუხედავად, "ხარების" შემადგენლობაში ის ჯერ კიდევ არ გამოჩენილა.
"რატომ არ იყვნენ უდინეზესთან მატჩის განაცხადში ბირაგი, ნკუნკუ და საზონოვი? ეს იყო ტექნიკური ხასიათის გადაწყვეტილება. სატრანსფერო ფანჯარა უკვე გაიხსნა და სწორედ ასეთი მიდგომა გვჭირდება."
შეგახსენებთ, რომ ქართველი ცენტრალური მცველი "გრანატაში" ირიცხება 2023 წლიდან, თუმცა მან მხოლოდ 13 მატჩის ჩატარება მოახერხა. საბა გასულ სეზონში იჯარით გაუშვეს ემპოლიში, მაგრამ ჯვარედინი მყესების ტრავმის გამო მან ერთხელაც ვერ ითამაშა.
