რაც შეეხება საბა საზონოვს, ქართველი მცველი მოედანზე მატჩის 78-ე წუთზე შევიდა, რა დროსაც ანგარიში უკვე 1-2 იყო. დარჩენილ წუთებში, მოედანზე საბა ალბათ ერთ-ერთი საუკეთესო იყო. 12 წუთში 4 მომენტის განმუხტვა, 1 წარმატებული ვარდნა, 3 დან 2 წარმატებული საჰაერო ორთაბრძოლა, 7 ბურთთან შეხება და საბოლოო ჯამში, ეს სტატისტიკა Sofascore-ზე 7.1 რეიტინგით შეფასდა.
"ჩემთვის ყველაფერი კარგადაა, რადგან 2-1 მოვიგეთ. საკმაოდ რთული მატჩი გამოვიდა, 12 წუთი რაც ვითამაშე, პასის გაკეთების საშუალებაც არ მომეცა, მაგრამ არაუშავს, რადგან მთავარია გავიმარჯვეთ და 3 ქულა მოვიპოვეთ. იტალიაში ბევრი ძლიერი მცველია და ვფიქრობ ეს ჩემთვის კარგია, რადგან ახალგაზრდა ვარ და კონკურენცია დამეხმარება, რომ უკეთესი გავხდე. ვფიქრობ მზად ვარ სალერნიტანასთან სათამაშოდ. წლის საუკეთესო ახალგაზრდა ქართველი ფეხბურთელი გავხდი, ჩემთვის და ჩემი ოჯახისთვის ეს ძალიან მნიშვნელოვანი ამბავი იყო. საქართველოს 21 წლამდე ნაკრებთან ერთად, თავი კარგად წარმოვაჩინე, ამიტომაც გავხვდი საუკეთესო ქართველი ახალგაზრდა ფეხბურთელი, ხვიჩა კვარაცხელია კი საუკეთესო ქართველი ფეხბურთელი გახდა. ის ფაქტი, რომ ორივე სერია A-ში ვთამაშობთ, ვფიქრობ კარგია. როგორც ჩვენთვის ისე ჩემპიონატისთვისაც", - განაცხადა საბა საზონოვმა მატჩის შემდეგ ინტერვიუში.
