ეროვნული ლიგის პირველი ტური საკმაოდ საინტერესო და სენსაციური გამოდგა. მოგეხსენებათ, სეზონი მოქმედი ჩემპიონი იბერიასა და მეშახტეს დაპირისპირებით უნდა გახსნილიყო, თუმცა მატჩი უამინდობის გამო გადაიდო.
ქუთაისში გამართულ მატჩში, სადაც ერთმანეთს ტორპედო და სპაერი დაუპირისპირდნენ, ანგარიში პირველივე წუთზე გაიხსნა. თავი გიორგი კოხრეიძემ გამოიჩინა.
ყველაფერი იქითკენ მიდიოდა, რომ ტორპედოს ეს უპირატესობა უნდა შეენარჩუნებინა, თუმცა სიტუაცია მეორე ტაიმში შეიცვალა. მე-60 წუთზე პენალტით ანგარიში სამხარაძემ გაათანაბრა.
89-ე წუთზე კი გამარჯვების გოლი ლაშა კოხრეიძემ გაიტანა და სპაერს ისტორიული 3 ქულა მოუტანა. მოგეხსენებათ, სპაერი ეროვნულ ლიგაში ისტორიაში პირველად თამაშობს.
