¡Vamos Checo! 🇲🇽
— Oracle Red Bull Racing (@redbullracing) June 4, 2024
We are pleased to announce @SChecoPerez has signed a two-year extension to his existing contract ✍️
Nos complace anunciar que @SChecoPerez ha firmado una extensión de dos años a su contrato actual #F1 #RedBullRacing #ChecoPerez
"ახლა ზუსტი თარიღია 2025 წლის გუნდის დასასახელებლად და გვიხარია, რომ ჩეკოსთან პარტნიორობას კიდევ 2 წლით გავაგრძელებთ. გუნდისთვის თანამიმდევრულობა და სტაბილურობა უმნიშვნელოვანესია და სწორედ ამან განაპირობა გასული სეზონის წარმატება. ჩეკომ 2024 წლის სეზონიც კარგად დაიწყო, თუმცა, ბოლო რამდენიმე რბოლა რთული აღმოჩნდა — დარწმუნებული ვარ, რომ ის ფორმაში ჩადგება და კვლავ გააგრძელებს პოდიუმზე ასვლას" - კრისტიან ჰორნერი.
"ბედნიერი ვარ, რომ მაქვს გუნდში დარჩენისა და წარმატებაში წვლილის შეტანის შესაძლებლობა. რედ ბულის გუნდის წევრობა უდიდესი გამოწვევაა და მე ეს ძალიან მომწონს. წელს ბევრი პრობლემა გვაქვს, რომელსაც აუცილებლად გადავლახავთ და მჯერა, რომ მომავალი ნათელი იქნება — მინდა, რომ შედეგებით გამოვხატო ჩემი მადლიერება და გუნდის მიმართ ნდობა" - სერხიო პერესი.
სერხიო პერესი რედ ბულში 2021 წლიდან ასპარეზობს და ჩატარებული 74 რბოლიდან 5-ის მოგება მოახერხა. აღსანიშნავია, რომ მექსიკელი პილოტი 3 წლის განმავლობაში პოდიუმზე 29-ჯერ ავიდა.
