პრემიერ ლიგის მეორე ტურის გახსნითი მატჩი ლონდონში გაიმართა, სადაც მაყურებელმა ვესტ ჰემისა და ჩელსის სანახაობრივი დაპირისპირება იხილა. იმის მიუხედავად, რომ შეხვედრის დაწყების წინ სტუმართა მხრიდან ტრავმა კოულ პალმერმა მიიღო, ენცო მარესკას გუნდმა მაინც საოცარი პერფორმანსი შემოგვთავაზა და მეტოქეს არც მეტი, არც ნაკლები 5 გოლი გაუტანა.
მატჩს საკმაოდ საინტერესო დასაწყისი ჰქონდა, რადგან ანგარიში მოულოდნელად ვესტ ჰემმა გახსნა. თავი ლუკას პაკეტამ გამოიჩინა, რომელმაც საკმაოდ ეფექტური გოლის გატანა შეძლო, თუმცა, ამის შემდეგ უპირატესობა თავიდან ბოლომდე ჩელსის მხარეს გადავიდა, რასაც "ჩაქუჩების" განადგურება მოჰყვა.
სტუმრებმა მეტოქეს არაფერი დაუთმეს და ყველა კომპონენტში დაჯაბნეს. ჩელსიმ ახალ სეზონში პირველი გამარჯვება სრულიად დამსახურებულად მოიპოვა.
ვესტ ჰემი 1-5 ჩელსი
გოლები: 1-0 ლუკას პაკეტა 6', 1-1 ჟოაო პედრო 15', 1-2 პედრუ ნეტუ 23', 1-3 ენცო ფერნანდესი 34', 1-4 მოისეს კაისედო 54', 1-5 ტრევო ჩალობა 58'.
მატჩის მიმოხილვა
