დონეცკის შახტარის ყოფილმა თავდამსხმელმა, ვლადისლავ ბუგაიმ გიორგი არაბიძის შესახებ ისაუბრა. მან გაიხსენა პერიოდი, როდესაც ქართველი გამთამაშებელი ირიცხებოდა "მაღაროელებში" და მას დიდ მომავალს უწინასწარმეტყველებდნენ.
"ვფიქრობ, შახტარის მაშინდელ თაობაში უდიდესი ტალანტი არაბიძე იყო. ის ერთი წლით პატარა, თუმცა ძალიან ნიჭიერი იყო. ყველა ელოდა, რომ გიორგი ტოპ მოთამაშე გახდებოდა, მაგრამ მისი კარიერა ისე არ განვითარდა, როგორც მას ყველა უსურვებდა. არც კი ვიცი, რამ შეუშალა ხელი.
შესაძლოა, გარკვეულწილად იყო დისციპლინის ბრალიც. იყო მომენტები, როდესაც ქართველ გამთამაშებელზე მწვრთნელები ბრაზობდნენ, როცა ის თავს არიდებდა გუნდთან ერთად სამუშაოს შესრულებას, მაგრამ შემდეგ, თამაშის დროს გადიოდა მოედანზე და დამოუკიდებლად დებდა შედეგს...იტანდა გოლს საჯარიმო დარტყმით ან ბევრი მეტოქის მოტყუებით."
