მსოფლიო ჩემპიონატის საკვალიფიკაციო ეტაპზე საქართველოს ნაკრებმა გამოსვლა წარუმატებლად დაიწყო და პირველივე ტურში საკუთარ მოედანზე თურქეთთან 2:3 დამარცხდა.
თავიდანვე ისე დალაგდა, რომ თუ ჯგუფიდან გასვლის პრეტენზია გვქონდა, უშუალო კონკურენტ თურქეთისთვის უნდა მოგვეგო, თუმცა გეგმები შეიცვალა.
7 სექტემბერს, ბულგარეთს ვმასპინძლობთ და უბრალოდ ვალდებულები ვართ, რომ მეტოქე დავამარცხოთ, რათა ჯგუფიდან გასვლისთვის ბრძოლა გავაგრძელოთ.
თუ აქამდე საშინაო არენაზე გამართულ მატჩებზე ვიყავით დამოკიდებული, ახლა ჩვენი მიზანია თავი საგარეო თამაშებზე გამოვიჩინოთ და ქულები იქ დავაგროვოთ.
ოქტომბრის თვეში, ორი გასვლითი შეხვედრა გვაქვს - ესპანეთთან და თურქეთთან. თუ ყველაფერი გეგმის მიხედვით წავიდა, გადამწყვეტი თურქეთთან სტუმრად ჩატარებული მატჩი იქნება. სწორედ იქ გაირკვევა, გავალთ თუ არა ჯგუფიდან. თუმცა იქამდე, შინ ბულგარეთს უნდა მოვუგოთ.
წაგება კარგი არ არის, მაგრამ იმის ფონზე, რომ საქართველოს ნაკრები 0:3 მარცხდებოდა, კარგია, რომ საბოლოოდ ერთი ბურთით წავაგეთ, რადგან ბოლოს ბურთებიც დიდ როლს თამაშობს.
ახლა ეს ყველაფერი მეორე ხარისხოვანია - სანიოლის მთავარი საფიქრალი ბულგარეთთან გამარჯვება და იმაზე ფიქრია, რა უნდა შეიცვალოს, რათა თურქეთთან სტუმრადაც არ წავაგოთ. პარალელურად, ესპანეთმა დაგეგმილი ქულები მოიპოვა და ბულგარეთს 3:0 სძლია.
