სამეფო კლუბში დიდი ტრავმიანობაა. ვინისიუსის გარდა, რეალს კიდევ 6 ფეხბურთელი აკლია და ანჩელოტის დიდი საფიქრალი აქვს, რადგან წინ მნიშვნელოვანი მატჩებია.
იტალიელ სპეციალისტს ტაქტიკის გადაწყობა მოუწევს. მარცხენა ფლანგს კილიან მბაპე დაიკავებს, ცრუ ფორვარდის პოზიციაზე კი ბელინგემი დადგება.
ეს ფაქტი ორივე ამ ფეხბურთელისთვის შანსია, რადგან მბაპე თავისი მარცხენა ფლანგიდან ვინისიუსის ყოფნის გამო ვერ თამაშობდა, ბელინგემის შედეგიანობისთვის კი ცრუ ფორვარდის პოზიცია იდეალურია. გასულ სეზონში მან ამ პოზიციიდან 19 ბურთი გაიტანა.
შესაბამისად, რეალის ლიდერებს შანსი აქვთ, რომ მათთვის კომფორტულ პოზიციას დაუბრუნდნენ და ეს შანსი გამოიყენონ. რეალი შემდეგ მატჩს ჩემპიონთა ლიგაზე, ლივერპულთან გამართავს.
