20 წლის ნიკოლას ჰანესე ქალაქ მეცში ცხოვრობს - საფრანგეთის ჩრდილოეთში მდებარე ქალაქში, სადაც ფეხბურთი დიდი პოპულარობით გამოირჩევა და თავიანთი ქალაქის გუნდის თამაშებზე სტადიონი ყოველთვის სავსეა. ჰანესე კი თავის კუმირად ქართველ ფეხბურთელს ირჩევს.
ჰანესე მეცის თამაშებზე ბავშვობიდან დადის და ამ დროში უკვე ბევრი რამ ნახა. მისი კუმირი მაინც ჟორჟ მიქაუტაძეა. მან მიქაუტაძის ქომაგობა 2019 წელს დაიწყო, ჯერ კიდევ მაშინ, როცა ჟორჟი ფართო ასპარეზზე ცნობილი არ იყო.
"მიქაუტაძის გულშემატკივარი მეცში მოსვლისთანავე გავხდი. შემდეგ კი ბელგიურ სერაინში გაანათხოვრეს და მის თამაშებს ყოველთვის ვუყურებდი ხოლმე. როცა ჟორჟი მეცში დაბრუნდა, ძალიან ბედნიერი ვიყავი", - განაცხადა LaGazzetta.ge-სთან ჩვენთან საუბარში.
ჰანესესთვის ხელი თავისი კუმირის აიაქსში და ლიონში გადასვლასაც არ შეუშლია და ქართველი თავდამსხმელის აბსოლუტურად ყველა თამაშს დღემდე უყურებს.
"ფეხბურთზე არ დავდივარ, უბრალოდ გულშემატკივარი ვარ და ჟორჟის ყველა კლუბის მაისური მაქვს. მის თამაშებს ეროვნულ ნაკრებშიც ვუყურებ ხოლმე და ნაკრების მაისურიც მაქვს. ძალიან მინდა, მას პირადად შევხვდე"
ჰანესეს გეგმაა, რომ მეციდან ლიონამდე 460 კილომეტრი გაიაროს, რათა თავისი საყვარელი ფეხბურთელი პირადად ნახოს.
ამ ყველაფერს ისიც ემატება, რომ მიქაუტაძე უკვე ევროპის თვალთახედვის არეალში მოექცა, მისი პოპულარობა გაიზარდა, ლიონის მთავარი ლიდერი გახდა, უკვე ბევრი გულშემატკივარი ჰყავს, თუმცა ჰანესე მის ყველაზე ძველ და ერთგულ ქომაგად რჩება.
