კონფერენს ლიგის საკვალიფიკაციო ეტაპზე, ომონიასთან წაგებული 1:0 მარცხის შემდეგ კომენტარი ქუთაისის ტორპედოს ფეხბურთელებმა გააკეთეს.
პაატა ღუდუშაური: "ასეთ ატმოსფეროში თამაში საკმაოდ რთულია და გაგვიჭირდა. ვფიქრობ, ქუთაისში სტადიონი გაივსება და ყველანაირად ვეცდებით შემდეგ ეტაპზე გასვლას. არ გვავს იმის ფუფუნება, რომ ესეთი დიდი მატჩები ჩავატაროთ. მაღალი ტემპი იყო. საბოლოოდ, ვფიქრობ, კარგი შედეგი იყო და ქუთაისში გამარჯვება შეგვიძლია"
ოთო გოშაძე: "რასაც ველოდით, ის თამაში მივიღეთ. ომონია ძლიერი გუნდია, ბევრი მომენტი ჰქონდათ, მაგრამ 1:0 არ არის ის სხვაობა, რომ შემდეგ ეტაპზე გასვლა შეუძლებელი იყოს. დასრულებული არაფერია, ქუთაისელ გულშემატკივარს მოვუწოდებ, რომ განმეორებით მატჩში გვერდში დაგვიდგეს"
ვლადიმერ მამუჩაშვილი: "იბერიამ, დილამ, ტორპედომ, მინიმალური ანგარიშით წააგო, ამიტომ დასრულებული არაფერია, შემდეგ ეტაპზე გასვლა 4-ვე ქართულ კლუბს შეუძლია. ყველას მეორე შანსი გვაქვს და შეუძლებელი არაფერია. რახან პირველი თამაშები წავაგეთ, ეს არაფერს ნიშნავს. მეორე ნახევარი წინ არის."
