რაც შეეხება თავად "ბლაუგრანას" აღზრდილის მოტივაციას, მაღალი კონკურენციის გამო, ის სრული სერიოზულობით განიხილავდა სხვა გუნდში გადასვლას. კატალონიელთა მომავალი მე-6 ნომრის კონკურენტები იმ დროს პეპ გუარდიოლა და ფილიპ კოკუ იყვნენ. დრომ გვიჩვენა, რომ "როსონერიში" ტრანსფერი ჩაიშალა და ამის მიზეზი, ჩავის დედა არის.
მან მეუღლეს წაუყენა ულტიმატუმი, იმ შემთხვევაში, თუ მამა დაუშვებდა თავისი შვილის "ლურჯ-ბროწეულისფრებიდან" წასვლას, ქალბატონი ოჯახს დატოვებდა. ესპანელი შუახაზელი არ გადასულა "შავ-წითლებში", ის დარჩა კამპ ნოუზე და კლუბისთვის ისტორიული მოვლენების მონაწილე გახდა. ერნანდესმა ბარსასთან ერთად 25 ტიტული მოიგო.
"ეშმაკებმა" კი წლების შემდეგ ნახევარდაცვაში შეკრეს კლარენს ზეედორფის, ანდრეა პირლოს, ჯენარო გატუზოსა და რიკარდო კაკას ოთხეული, რითაც ასევე ისტორია დაწერეს. საინტერესოა, აღნიშნული ტრანსფერის განხორციელების შემთხვევაში, როგორ შეიცვლებოდა "ბლაუგრანასა" და სან სიროს ბინადრების მდგომარეობა.
