შეთანხმება მიღწეულია — ლუის ენრიკე კონტრაქტს გაახანგრძლივებს

პარი სენ ჟერმენსა და ლუის ენრიკეს შორის შეთანხმება შედგა და მხარეებს შორის ახალი კონტრაქტი გაფორმდება.

54 წლის ესპანელ სპეციალისტს მოქმედი ხელშეკრულება 2025 წლის ზაფხულში ეწურება და მას 2 წლით, 2027 წლამდე გაახანგრძლივებს.

შეგახსენებთ, რომ ლუის ენრიკემ პსჟ 2023 წელს ჩაიბარა და ფრანგულმა კლუბმა მისი ხელმძღვანელობით ჩატარებული 62 მატჩიდან 40 მოიგო, 8 წააგო და 14 ფრედ დაასრულა.