ტრანსფერი დაიხურა — ნიკოლას ჯექსონი ჩელსიდან კარიერას ბაიერნში გააგრძელებს! მხარეებმა გარიგების ყველა დეტალი შეათანხმეს, 24 წლის ფორვარდს გერმანიაში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. ბაიერნი სენეგალელ ფორვარდს 1-წლიანი იჯარით დაიმატებს, თუმცა "რეკორდმაისტერს" ფეხბურთელის გამოსყიდვა სეზონის ბოლოს €80 მილიონად შეეძლება.
ნიკოლას ჯექსონი, რომ ენცო მარესკას გეგმებში არ შედიოდა, ამის შესახებ რამდენიმე თვის წინ გაცნობეთ, შესაბამისად, ჩელსიში სენეგალელი ფორვარდის სანაცვლოდ ყველა შეთავაზებას განიხილავდნენ. საქმეში იყვნენ იუვენტუსი, მილანი, ნიუკასლი და ასტონ ვილაც, თუმცა ყველას ბაიერნმა აჯობა.
სენეგალელი ფორვარდი ჩელსის ღირსებას 2023 წლიდან მოყოლებული იცავს. ფეხბურთელმა ამ დროში 81 მატჩის ჩატარება მოასწრო, გაიტანა 30 გოლი და 12 საგოლე გადაცემითაც გამოიჩინა თავი.
