მას შემდეგ, რაც დორტმუნდმა ნური შაჰინი გუნდიდან გაუშვა, განიხილებოდა რამდენიმე კანდიდატურა, თუმცა როგორც ჩანს არჩევანი გამოცდილ ხორვატზე შეჩერდა. ნიკო კოვაჩს ბუნდესლიგაში მუშაობის ძალიან დიდი გამოცდილება აქვს. ხორვატი სპეციალისტი ისეთ გუნდებში მუშაობდა როგორიც არის ბაიერნი, აინტრახტი და ვოლფსბურგი.
ნიკო კოვაჩს დორტმუნდში უკვე ელოდებიან. თუ ყველაფერი გეგმის მიხედვით წავა, შავ-ყვითლები ახალ მწვრთნელს კვირის ბოლომდე წარადგენენ. მხარეებს შორის კონტრაქტი 2026 წლამდე გაფორმდება.
