შეთანხმება შედგა! ხავიერ მასკერანო ინტერ მაიამის ახალი მთავარი მწვრთნელი გახდება. მხარეებმა გარიგების ყველა დეტალი რამდენიმე წუთის წინ მოაგვარეს, რის მიხედვითაც, 40 წლის სპეციალისტი არგენტინის 20-წლამდე ნაკრებს დატოვებს და სამუშაოდ ამერიკის შეერთებულ შტატებში გაემგზავრება. ხავიერ მასკერანო ტატა მარტინოს პოზიციას დაიკავებს, რომელმაც გუნდი რამდენიმე დღის წინ დატოვა.
მასკერანომ სამწვრთნელო კარიერა 2021 წელს დაიწყო, როდესაც ეროვნულ ნაკრებში ერთ-ერთ ასისტენტად დაინიშნა. შემდეგ იყო არგენტინის 23-წლამდე ნაკრები, ბოლოს კი 20-წლამდე გუნდი.
40 წლის არგენტინელს ინტერ მაიამიში ძველი მეგობრები, ლიონელ მესი, სერხიო ბუსკეტსი, ხორდი ალბა და ლუის სუარესი დახვდებიან.
