გავლენიანი ამერიკული გამოცემების ინფორმაციით, სანდრო მამუკელაშვილი კარიერას ტორონტო რეპტორსში გააგრძელებს! ESPN ადასტურებს, რომ მხარეებს შორის ყველაფერი შეთანხმებულია და 26 წლის ქართველი კალათბურთელი ტორონტოსთან 2-წლიან ხელშეკრულებას გააფორმებს, მისი წლიური ანაზღაურება კი $5.5 მილიონი იქნება.
სანდრო მამუკელაშვილმა სან ანტონიო სპურსი გასული სეზონის დასრულების შემდეგ დატოვა და თავისუფალი აგენტი გახდა. ქართველი კალათბურთელის დამატებას რამდენიმე ევროპული კლუბიც ცდილობდა, თუმცა სანდროსთვის ამერიკაში დარჩენა ყოველთვის პრიორიტეტული იყო.
მამუკელაშვილს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
