შეთანხმება შედგა — ტომას ფრანკი ტოტენჰემის ახალი მთავარი მწვრთნელი გახდება! მხარეებმა გარიგების ყველა დეტალი შეათანხმეს, დანიელ სპეციალისტს ლონდონში უკვე ელოდებიან, სადაც ახალ კლუბთან ხელშეკრულებას გააფორმებს. ტოტენჰემი დანიელი სპეციალისტის სანაცვლოდ გამოსასყიდ თანხას უახლოეს საათებში გადაიხდის.
მას შემდეგ, რაც ტოტენჰემმა ენჯ პოსტეკოგლუ გუნდიდან გაუშვა, კლუბი ორ მთავარ კანდიდატურას განიხილავდა. სიაში იყო მარკო სილვაც, თუმცა პორტუგალიელმა "დეზებს" უარი განუცხადა და ფულემში დარჩენა გადაწყვიტა, შესაბამისად, ტოტენჰემმა ბრენტფორდთან გარიგების დახურვა გადაწყვიტა.
ტომას ფრანკი ბრენტდორდში 2018 წლიდან მოყოლებული მუშაობდა. დანიელის ხელმძღვანელობით გუნდმა 317 მატჩი ჩაატარა, საიდანაც 136 მოიგო, 71 ფრედ დაასრულა, ხოლო 110-ჯერ დამარცხდა.
თუ ყველაფერი გეგმის მიხედვით წავა, ტოტენჰემი ტომას ფრანკს უახლოეს საათებში წარადგენს.
