მატჩის წინ, სამეფო კლუბის მთავარმა მწვრთნელმა კარლო ანჩელოტიმ კომენტარი გააკეთა.
"მატჩისთვის აქტიურად ვემზადებით. ვიცით, თუ რა მნიშვნელობისაა ელ კლასიკო და ისიც ვიცით, რომ საკუთარ მოედანზე ვთამაშობთ და გულშემატკივრებს ჩვენი იმედი აქვთ. ბარსელონა კარგი გუნდია, ბრწყინვალე ფორმაში არიან და მოედანზე მაქსიმუმი უნდა ჩავდოთ.
სელტასთან 3 მცველით ვითამაშეთ, მომდევნო მატჩში კი ტაქტიკური ცვლილებები იქნება, სხვა ტაქტიკას ვამზადებთ, სიახლეებს იხილავთ და ერთად ვნახავთ, გაამართლებს თუ არა ეს.
კილიან მბაპე? - მან ყველაზე კარგად იცის რას აკეთებს და მისი მჯერა. კილიანს ბარსელონას წინააღმდეგ არაერთხელ უთამაშია, ამიტომ მისთვის ახალი არაფერი იქნება.
რაც შეეხება ვინისიუსს, მალე ის ოქროს ბურთს მოიგებს. მთავარი ფავორიტი ისაა და სხვა ვერსია არც განიხილება", - განაცხადა ანჩელოტინ.
