პარის სენ-ჟერმენისგან განადგურების შემდეგ, დიეგო სიმეონემ აღნიშნა ფინანსური სხვაობა ფრანგულ გუნდსა და ატლეტიკო მადრიდს შორის. არგენტინელ მწვრთნელს დაეთანხმა "როხიბლანკოს" ყოფილი შუახაზელი, მარიო სუარესი, რომელმაც აღნიშნა, რომ იანვარში 70 მილიონად ხვიჩა კვარაცხელიას გაფორმება პსჟ-ს მხრიდან მართლაც ეფექტური ნაბიჯი იყო.
"სიმეონეს არასდროს სჩვევია წუწუნი და მისი ნათქვამი სრული სიმართლეა. ყველამ კარგად ნახა, თუ რა დონის ფეხბურთელი გაიფორმა პარის სენ-ჟერმენმა კვარას სახით. როგორც ვიცი, მის ტრანსფერს პერსონალურად ენრიკე ითხოვდა. ალ-ხელაიფიმ კი ყველაფერი უმოკლეს დროში გააკეთა.
ბევრი ფეხბურთელი გახსენდებათ, რომლის სანაცვლოდ ზამთარში 70 მილიონი ევრო გადაიხადეს? პსჟ-სთვის ეს პრობლემას არ წარმოადგენს. რაც შეეხება უშუალოდ თამაშს, ფაქტია, პარიზელებმა ატლეტიკოს ყველა კომპონენტში აჯობეს."
