პრემიერ ლიგის მე-11 ტურის ცენტრალურ მატჩში მანჩესტერ სიტიმ ლივერპული 3:0 გაანადგურა. თამაშის დებიუტი სტუმრებისთვის, კერძოდ კი გიორგი მამარდაშვილისთვის გამოდგა იდეალური: ახალგაზრდა გოლკიპერმა ერლინგ ჰოლანდს 11-მეტრიანი აუღო. გამოუყენებელი მომენტიდან 16 წუთში ნორვეგიელმა ფორვარდმა მერსისაიდელთა კარის აღება მაინც შეძლო.
პირველი ტაიმის ბოლოს "წითლებს" გაუტანა ნიკო გონსალესმაც, საბოლოო წერტილი კი ჟერემი დოკუმ დასვა. "ქალაქელები" ამ გამარჯვებით წინაურდებიან მე-2 პოზიციამდე და ლონდონის არსენალთან ჩამორჩენას 4 ქულამდე ამცირებენ. ენფილდის ბინადრები კი ჩემპიონატის ლიდერს 8 ქულით ჩამორჩებიან.
მანჩესტერ სიტი 3:0 ლივერპული
გოლები: 1:0 ერლინგ ჰოლანდი 29', 2:0 ნიკო გონსალესი 48', 3:0 ჟერემი დოკუ 63'.
