მანჩესტერ იუნაიტედის ყოფილმა მთავარმა მწვრთნელმა, რონ ატკინსონმა ბრუნო ფერნანდეშზე ისაუბრა. ვეტერანმა თავკაცმა აღნიშნა, რომ პორტუგალიელი ფლეიმეიქერის მანჩესტერ სიტიში თამაშის შემთხვევაში, ის კევინ დე ბრუინის დონეზე იქნებოდა.
"თანამედროვე მანჩესტერიდან მომწონს ბრუნო - ის შესანიშნავი ფეხბურთელია. დიახ, მას ჰყავს ბევრი კრიტიკოსი, თუმცა მისი როლი იუნაიტედში უმნიშვნელოვანესია. ფერნანდეშს რომ ეთამაშა სიტიში, ის იქნებოდა დე ბრუინივით ეფექტური, ამის პოტენციალი მას ნამდვილად აქვს.
ხალხი ამბობს, რომ პორტუგალიელი გამთამაშებელი ძალიან ბევრს წუწუნებს თავისი თანაგუნდელების გამო, თუმცა მე მას არ ვადანაშაულებ, იმის გათვალისწინებით, თუ როგორი ფეხბურთელების გვერდით უწევს თამაში."
