"მომპარეს თუ არა ოქროს ბურთი? კი. სიმართლე გითხრათ მოხარულიც კი ვარ, რომ 14 წლის შემდეგ, ხალხი ჯერ კიდევ განიხილავს ამ თემას. მეუბნებიან, რომ გამძარცვეს, მაგრამ რომ მომეგო, ხალხი იგივეს იტყოდა ჩემზეც, რომ მე სხვას მოვპარე ჯილდო. ინდივიდუალური პრიზები კარგია, თუმცა ჩემთვის გუნდური წარმატება უფრო მნიშვნელოვანი იყო.
მაგალითად, ჩემპიონთა ლიგის მოგება, ოქროს ბურთის მოპოვებაზე უფრო ფასეულია ჩემთვის", - განაცხადა "ნერაძურის" ყოფილმა შემტევმა ნახევარმცველმა. შეგახსენებთ, რომ გველების" ყოფილმა 10-იანმა 2009/10 წლების სეზონში მოიგო სკუდეტო, ჩემპიონთა ლიგა და კოპა იტალია. ამის გარდა, ის მუნდიალის ფინალამდე გავიდა.
უშუალოდ მსოფლიო ჩემპიონატზე სნეიდერმა ხუთი გოლი გაიტანა. საკლუბო სეზონში კი მან 41 შეხვედრაში გაიტანა რვა გოლი და გააკეთა 15 საგოლე გადაცემა. ნიდერლანდელი გამთამაშებელი იყო როგორც ჟოზე მოურინიოს გუნდის, ისე ეროვნული გუნდის ლიდერიც.
