მილანის ინტერის ყოფილი ტექნიკური კოორდინატორი, ვალტერ საბატინი ტურინის იუვენტუსში ლუჩანო სპალეტის დანიშნვას გამოეხმაურა. იტალიელი ფუნქციონერის თქმით, ნაპოლის ყოფილ დამრიგებელს შეუძლია "ბიანკონერიში" ახალი ხვიჩა კვარაცხელიას შექმნა და ასეთი მოთამაშე ქენან ილდიზი შესაძლოა გახდეს.
"მჯერა, რომ სპალეტისთან ერთად, იუვენტუსის თავდამსხმელები საუკეთესო ფორმაში შევლენ. ასე იყო იკარდისა და ოსიმენის მიმართებაში, როცა ლუჩანო ინტერსა და ნაპოლიში მუშაობდა. ჩემი აზრით, ის ძველებურად აათამაშებს როგორც ვლაჰოვიჩს, ისე დევიდსაც.
არ უნდა დაგვავიწყდეს ილდიზიც, რომელიც ჩემი აზრით, ტურინელთა თავდასხმაში გადამწყვეტი ფეხბურთელი იქნება. იტალიელ სპეციალისტს შეუძლია ქენანისგან ისეთი მოთამაშის დაყენება, როგორიც "პარტენოპეიში" მის დროს კვარა იყო. ვგულისხმობ თამაშზე გავლენას, რომელსაც ხვიჩა ახდენდა. "
