"სამივე მათგანი განსხვავებული სტილის ფეხბურთელი იყო. სქოულზს ნებისმიერ ვითარებაში და ნებისმიერ მოწინააღმდეგესთან შეეძლო თამაში. მან პრაქტიკულად ყველაფერი გამოიარა. პოლი თავდაპირველად იყო ფორვარდი, შემდეგ გამთამაშებელი, ბოლოს კი მან კიდევ უფრო სიღრმეში ჩამოიწია. მანჩესტერის შუახაზელს მართლაც ყველაფერი შეეძლო.
რაც შეეხება ჯერარდს, ამ სამეულში ის ყველაზე უნივერსალური იყო. დაცვა, პასი, ბურთის წართმევა, სტანდარტები, გოლი - ყველაფერი ეს მის არსენალში იყო. ჩემი აზრით, სტივის იუნაიტედში გადასვლის შემთხვევაში, ის მიაღწევდა სქოულზის მსგავს წარმატებას, მაგრამ საპირისპირო მიმართულებით, იგივე პოლი მერსისაიდში მსგავსს ვერაფერს გააკეთებდა.
ლამპარდი იყო უფრო გოლებზე ორიენტირებული ნახევარმცველი და ამ კომპონენტში ის ნამდვილად საუკეთესოა. მართალია, მას არ ჰქონდა ისეთი გამორჩეული ტექნიკა, როგორიც მის კონკურენტებს, მაგრამ სამაგიეროდ ფრენკის ნებისმიერი პოზიციიდან შეეძლო გატანა", - განაცხადა ყოფილმა ინგლისელმა ფორვარდმა.
