საკულტო ბოქსინგ დეი პრემიერ ლიგის ცხრილის ლიდერმა - ლივერპულმა საშინაო არენაზე ლესტერის წინააღმდეგ გამარჯვებით დახურა. მატჩამდე ენფილდი საკმაოდ სქელ ნისლში გაეხვა, მედიაში ვრცელდებოდა ინფორმაცია შეხვედრის სავარაუდო გადადების შესახებაც, თუმცა, საბოლოოდ, 26 დეკემბრის დასკვნითი დაპირისპირება დაგეგმილ დროს დაიწყო.
როგორც მოსალოდნელი იყო, ფავორიტმა ლივერპულმა მეტოქეს პირველივე წამებიდან მაღალი ტემპი შესთავაზა, თუმცა ერთ-ერთი წარუმატებელი შეტევის შემდეგ ლესტერშირელებმა საკუთარი საჯარიმოდან ალისონის კარამდე მანძილი სწრაფად დაფარეს, მარცხენა ფლანგზე სტეფი მავიდიდის გარღვევას და პასს კი ნახევარბრუნში ჯორდან აიუს ლამაზი გოლი მოჰყვა. გაშვებული გოლიდან პირველი ტაიმის ბოლომდე სათამაშო სურათი აღარ შეცვლილა. ლივერპულმა ინიციატივა მთლიანად გადაიბარა და რეალური საგოლე მომენტიც არაერთხელ შექმნა. გამოსარჩევია მოჰამედ სალაჰის ორი მომენტი, ასევე ტრენტ ალექსანდერ-არნოლდის ჩაწოდების შემდეგ ენდი რობერტსონის თავური, რომლის მოგერიებაც ლესტერის პოლონელ მეკარეს, იაკუბ სტოლარჩუკს კინაღამ ავტოგოლად დაუჯდა. მასირებული თავდასხმის მიუხედავად შედეგი თითქოს არ ჩანდა, თუმცა კომპენსირებული დროის პირველ წუთზე შორეული დარტყმით კოდი გაკპომ ანგარიში მაინც გაათანაბრა.
მეორე ტაიმში რუუდ ვან ნისტელროის ლესტერისგან საინტერესო აღარაფერი გვინახავს. შეხვედრაში ინტრიგა აღარ დაბრუნებულა. ლივერპული მალევე - 50-ე წუთზე კურტის ჯონსის დარტყმით დაწინაურდა, 82-ე წუთამდე კი, მოჰამედ სალაჰის გოლამდე, მატჩს მეთოდურად და მშვიდად უძღვებოდა.
წლევანდელი ბოქსინგ დეიზე არნე სლოტის გუნდმა მეტოქეებისგან საშობაო საჩუქარი მიიღო. დღის განმავლობაში მერსისაიდელთა ყველა პრინციპულმა მოწინააღმდეგემ - მანჩესტერ სიტიმ, ჩელსიმ, ტოტენჰემმა და მანჩესტერ იუნაიტედმა ქულები დაკარგეს. მატჩის შემდეგ ლივერპულს 42 მოუგროვდა და უახლოეს მდევარ „არისტოკრატებს” 7 ქულით უსწრებს. აღსანიშნავია, რომ „წითლებს” მეტოქესთან შედარებით ერთი მატჩით ნაკლები აქვს ჩატარებული.
2024 წლის დასრულებამდე ლივერპულს საქმეში კიდევ ერთხელ ვიხილავთ. არნე სლოტი და კომპანია 29 დეკემბერს 21:15 საათზე ლონდონის ოლიმპიურ სტადიონზე უესტ ჰემ იუნაიტედს ესტუმრება.
როგორც მოსალოდნელი იყო, ფავორიტმა ლივერპულმა მეტოქეს პირველივე წამებიდან მაღალი ტემპი შესთავაზა, თუმცა ერთ-ერთი წარუმატებელი შეტევის შემდეგ ლესტერშირელებმა საკუთარი საჯარიმოდან ალისონის კარამდე მანძილი სწრაფად დაფარეს, მარცხენა ფლანგზე სტეფი მავიდიდის გარღვევას და პასს კი ნახევარბრუნში ჯორდან აიუს ლამაზი გოლი მოჰყვა. გაშვებული გოლიდან პირველი ტაიმის ბოლომდე სათამაშო სურათი აღარ შეცვლილა. ლივერპულმა ინიციატივა მთლიანად გადაიბარა და რეალური საგოლე მომენტიც არაერთხელ შექმნა. გამოსარჩევია მოჰამედ სალაჰის ორი მომენტი, ასევე ტრენტ ალექსანდერ-არნოლდის ჩაწოდების შემდეგ ენდი რობერტსონის თავური, რომლის მოგერიებაც ლესტერის პოლონელ მეკარეს, იაკუბ სტოლარჩუკს კინაღამ ავტოგოლად დაუჯდა. მასირებული თავდასხმის მიუხედავად შედეგი თითქოს არ ჩანდა, თუმცა კომპენსირებული დროის პირველ წუთზე შორეული დარტყმით კოდი გაკპომ ანგარიში მაინც გაათანაბრა.
მეორე ტაიმში რუუდ ვან ნისტელროის ლესტერისგან საინტერესო აღარაფერი გვინახავს. შეხვედრაში ინტრიგა აღარ დაბრუნებულა. ლივერპული მალევე - 50-ე წუთზე კურტის ჯონსის დარტყმით დაწინაურდა, 82-ე წუთამდე კი, მოჰამედ სალაჰის გოლამდე, მატჩს მეთოდურად და მშვიდად უძღვებოდა.
წლევანდელი ბოქსინგ დეიზე არნე სლოტის გუნდმა მეტოქეებისგან საშობაო საჩუქარი მიიღო. დღის განმავლობაში მერსისაიდელთა ყველა პრინციპულმა მოწინააღმდეგემ - მანჩესტერ სიტიმ, ჩელსიმ, ტოტენჰემმა და მანჩესტერ იუნაიტედმა ქულები დაკარგეს. მატჩის შემდეგ ლივერპულს 42 მოუგროვდა და უახლოეს მდევარ „არისტოკრატებს” 7 ქულით უსწრებს. აღსანიშნავია, რომ „წითლებს” მეტოქესთან შედარებით ერთი მატჩით ნაკლები აქვს ჩატარებული.
2024 წლის დასრულებამდე ლივერპულს საქმეში კიდევ ერთხელ ვიხილავთ. არნე სლოტი და კომპანია 29 დეკემბერს 21:15 საათზე ლონდონის ოლიმპიურ სტადიონზე უესტ ჰემ იუნაიტედს ესტუმრება.
