რამდენიმე დღის წინ, დიეგო კოშტამ გააკეთა დამამცირებელი კომენტარი ანტონიო კონტეს მისამართით და აღნიშნა, რომ ის გაბოროტებულია პირად ცხოვრებაში არსებული პრობლემების გამო. ესპანელმა ექს-ფორვარდმა გააგრძელა იტალიელი სპეციალისტის კრიტიკა და მასზე წინ ჟოზე მოურინიო დააყენა.
პასუხის გაცემის გარეშე არც ნაპოლის მწვრთნელი დარჩენილა. ტიტულოვანმა დამრიგებელმა აღნიშნა, რომ ის არ აქცევს ყურადღებას სულელი ადამიანების გამონათქვამებს და სულელში "პადრინო" სწორედ ლონდონის ჩელსის ექს-ფორვარდს გულისხმობდა.
"კარგად მესმის, რომ ფეხბურთში არიან როგორც ჭკვიანი და შეგნებული ხალხი, ისე სულელებიც. მათ გამონათქვამებზე დროის დახარჯვას ნამდვილად არ ვაპირებ. არ ვკითხულობ სტატიებს, არც ჭკვიანებზე და არც სულელებზე."
შეგახსენებთ, რომ იტალიელი მწვრთნელისა და "მხეცის" კონფლიქტი დაიწყო "არისტოკრატებში" ერთად ყოფნის დროს. სკანდალურ ფორვარდს სურდა მადრიდის ატლეტიკოში დაბრუნება, მაგრამ 56 წლის სპეციალისტი ტრანსფერის წინააღმდეგი იყო. ამის შემდეგ, კოშტამ მოლაპარაკებები გამართა ერთ-ერთ ჩინურ კლუბთან და საქმეში კვლავ კონტე ჩაერია.
