სუპერ პაულო გასანიგა! არგენტინელმა 3 პენალტი მოიგერია

ლა ლიგის მე-9 ტურის შეხვედრაში სადაც ერთმანეთს ჟირონა და ბილბაოს ატლეტიკი დაუპირისპირდნენ, მაყურებელმა პაულო გასანიგას საოცარი პერფორმანსი იხილა. 32 წლის არგენტინელმა მეკარემ არც მეტი, არც ნაკლები 3 პენალტის მოგერიება მოახერხა და მის გუნდს მნიშვნელოვანი გამარჯვების მოპოვებაში დაეხმარა.

ალექს ბერენგერი, ინიაკი უილიამსი და ანდერ ერერა - ამ ფეხბურთელებმა გასანიგას ვერაფერი მოუხერხეს, არგენტინელმა მეკარემ სამივე მათგანს აჯობა.

მატჩი ჟირონას გამარჯვებით, 2:1 დასრულდა. ჟირონას მხრიდან გოლები იასერ აპსრილიამ და კრისტიან სტუანიმ გაიტანეს, ხოლო სტუმართა მხრიდან თავი ოიან სანსეტმა გამოიჩინა.