ლიონის ოლიმპიკი ფინანსური დარღვევების გამო ლიგა 2-ში დააქვეითეს. კლუბი იტოვებს გასაჩივრების უფლებას, რაც ნიშნავს იმას, რომ "ლომების" საფრანგეთის უმაღლეს დივიზიონში დაბრუნების შანსი ჯერ კიდევ არსებობს. საბოლოო განაჩენის გამოტანამდე, განვიხილოთ, როგორი იქნებოდა ჟერლანის ბინადრების შემადგენლობა, მოთამაშეები რომ არ გაეყიდათ.
მეკარეები: უგო ლორისი, ანტონი ლოპეში.
ცენტრალური მცველები: პიერ კალულუ, კასტელო ლუკება, იოაკიმ ანდერსენი, სამუელ უმტიტი.
განაპირა მცველები: ფერლან მენდი, მალე გუსტო, ნიკოლას ტალიაფიკო, მატია დე შილიო.
ცენტრალური/შემტევი ნახევარმცველები: ბრუნო გიმარაეში, ლუკას პაკეტა, რაიან შერკი, კორენტინ ტოლისო, ტანგი ნდომბელე, ტიაგო ალმადა.
თავდამსხმელები/ვინგერები: ქარიმ ბენზემა, მემფის დეპაი, ალექსანდერ ლაკაზეტი, ჟან-ფილიპ მატეტა, გიორგი მიკაუტაძე, ბრედლი ბარკოლა, მალიკ ფოფანა.
როგორც ვხედავთ, ლიონის შემადგენლობაში ადგილი ქართველი თავდამსხმელისთვისაც მოიძებნა. საინტერესო იქნებოდა, თუ როგორ წარმოაჩენდა თავს ოლიმპიკის ახალგაზრდა ფორვარდი ისეთი გამორჩეული ვეტერანების გვერდით, როგორებიც ბენზემა და დეპაი არიან. ცნობისთვის, მის გვერდით იქნებოდა ბარკოლაც, რომელიც ამჟამად ხვიჩა კვარაცხელიასთან ერთად პარის სენ-ჟერმენში თამაშობს.
