ლივერპულის ყოფილმა მთავარმა მწვრთნელმა, იურგენ კლოპმა დაასახელა თანამედროვეობის ფეხბურთელი, რომლის თამაშის ყურება მას ყველაზე დიდ სიამოვნებას ანიჭებს. გერმანელი მენეჯერისთვის ასეთი არის ბარსელონას ვინგერი, ლამინ იამალი.
"ძალიან მომწონს იამალის თამაშის ყურება. დღემდე თვალწინ მიდგას მისი პერფომანსი ინტერთან. ვიჯექი და ვფიქრობდი - რას აკეთებს ლამინი, თანაც 17 წლის ასაკში?! ის თამაშობს ყოველგვარი შიშის გარეშე, ისე რომ, ზეწოლა მას არაფერს აკლებს. უჩვეულოდ თავდაჯერებულია, თავისი ასაკის კვალობაზე.
ბარსელონას ესპანელი შემტევის სახით მართლაც განსაკუთრებული ფეხბურთელი ჩაუვარდა ხელში. ის მაგონებს ისეთ შემსრულებლებს, რომლებმაც თავის დროზე ფეხბურთი შეგვაყვარეს. კატალონიელთა ვინგერი ახალი თაობისთვის სწორედ ასეთი მოთამაშეა."
