ლეგენდარულმა გაბრიელ ბატისტუტამ თანამედროვე თავდამსხმელებზე ისაუბრა. მან გამოარჩია ჰარი კეინი და აღნიშნა, რომ ის ძველი სკოლის ფორვარდებთან სათამაშო სტილით ყველაზე ახლოს არის. არგენტინელმა ყოფილმა შემტევმა ხულიან ალვარესიც გამოარჩია.
"ფეხბურთი შეიცვალა. ადრე, 10 ფეხბურთელი თამაშობდა, ერთი კი გოლს იტანდა. ახლა, თამაშობს ყველა და გოლსაც ყველა იტანს. გუნდის შეტევაში გოლკიპერიც კი არის ჩართული. ვის გამოვარჩევდი თანამედროვე ფორვარდებიდან? ძველი სკოლის შემტევებთან ყველაზე ახლოს თამაშის სტილით კეინი არის.
ასევე მინდა ალვარესზე საუბარიც. საოცარი ფეხბურთელია, ვინც მოედანზე უდიდეს სამუშაოს ასრულებს. როდესაც გუნდში გყავს ხულიანი, კლასიკური ფორვარდი უბრალოდ არ გჭირდება. დიახ, ის არ იტანს ბევრს, სამაგიეროდ ფუნდამენტურ საქმეს აკეთებს."
