როსარიო სენტრალის შემტევმა, ანხელ დი მარიამ დაასახელა მწვრთნელი, ვინც მისი აზრით, საუკეთესოა. ვეტერანი გარემარბისთვის ასეთი სპეციალისტი არის ჟოზე მოურინიო, რომელთანაც არგენტინელი ვინგერი მადრიდის რეალში მუშაობდა. აღნიშნულმა დუეტმა ერთად მოიგო პრიმერა, კოპა დელ რეი და ესპანეთის სუპერ თასი.
"როგორც ფეხბურთელს, მოურინიომ ყველაფერი მომცა. ის რჩება ნომერ პირველ მწვრთნელად, ვინც ყველასგან გამორჩეულია, როგორც სპეციალისტი და როგორც პიროვნებაც. ჟოზეს საუკეთესო თვისება? ის გაიღებს ყველაფერს, არა მხოლოდ თავისი კლუბისთვის, არამედ თითოეული შეგირდისთვისაც.
2010 წლის მსოფლიო ჩემპიონატი ჩემთვის იყო არც თუ ისე წარმატებული, კითხვის ნიშნის ქვეშ დადგა რეალში გადასვლაც, თუმცა პორტუგალიელი სპეციალისტი ბოლომდე გვერდში დამიდგა. მან ჩემი ტრანსფერი კატეგორიულად მოითხოვა."
