დღეს თბილისის მერიამ 2025 წლის შედეგების გათვალისწინებით, საუკეთესო თბილისელი სპორტსმენები დააჯილდოვა.
შესაბამისი სერტიფიკატები და ფულადი პრემია გადაეცა 236 თბილისელ სპორტსმენს, მსოფლიო და ევროპის ჩემპიონატებზე განსაკუთრებული წარმატების მიხედვით. ასევე, დაჯილდოვდა ქალთა ხუთი და ამპუტანტ ფეხბურთელთა ერთი გუნდი.
ღონისძიებას თბილისის მერი კახა კალაძე დაესწრო, რომელმაც საუკეთესო მამაკაცი სპორტსმენი გამოავლინა და შესაბამისი სპეციალური ჯილდო გადასცა.
საუკეთესოები გამოვლინდნენ 5 სხვადასხვა ნომინაციაში:
საუკეთესო თბილისელი მამაკაცი სპორტსმენი - სანდრო ბაზაძე
საუკეთესო თბილისელი ქალი სპორტსმენი - ეთერ ლიპარტელიანი
საუკეთესოთბილისელი მამაკაცი პარასპორტსმენი - გიორგი ქალდანი
საუკეთესოთბილისელი ქალი პარასპორტსმენი - ნინა თიბილაშვილი
2025 წლის წარმატებული პროექტი - სასკოლო ლიგა.
აღნიშნული ღონისძიება არის ერთ-ერთი მნიშვნელოვანი პროგრამა, რომელიც პროფესიული სპორტის წახალისებასა და ღვაწლმოსილი სპორტსმენების დაფასებას ემსახურება და 2018 წლიდან ყოველწლიურად იმართება.
2018 წლიდან დღემდე სულ 931 სპორტსმენი დაჯილდოვდა.
მიმდინარე წელს პროგრამის ბიუჯეტი 1 297 000 ლარს შეადგენდა.
