ფრანკფურტის აინტრახტი კვლავ სატრანსფერო ბაზრის ყურადღების ცენტრშია. ძალიან მალე გაოფიციალურდება უგო ეკიტიკეს ტრანსფერი "არწივებიდან" ლივერპულში, 95 მილიონი ევროს სანაცვლოდ. ბოლო წლებში ეს იქნება უკვე რიგით მე-6 შემთხვევა, როდესაც გერმანული კლუბი თავის ფორვარდს ძალიან სარფიანად ყიდის.
2019 წლიდან - დღემდე, ვალდშტადიონის ბინადრებმა თავიანთი თავდამსხმელების გასხვისებით უკვე 400 მილიონზე მეტი გამოიმუშავეს. გავიხსენოთ აინტრახტის ფორვარდების გაყიდვის ბოლო წლების ყველაზე სარფიანი მაგალითები.
| ფეხბურთელი | ტრანსფერი | თანხა |
| უგო ეკიტიკე* | აინტრახტიდან - ლივერპულში | 95 მილიონი ევრო |
| რანდალ კოლო მუანი | აინტრახტიდან - პსჟ-ში | 95 მილიონი ევრო |
| ომარ მარმუში | აინტრახტიდან - მან სიტიში | 75 მილიონი ევრო |
| ლუკა იოვიჩი | აინტრახტიდან - რეალში | 63 მილიონი ევრო |
| სებასტიან ალე | აინტრახტიდან - ვესტ ჰემში | 50 მილიონი ევრო |
| ანდრე სილვა | აინტრახტიდან - ლაიფციგში | 23 მილიონი ევრო |
როგორც ვხედავთ, ფრანგი თავდამსხმელის მერსისაიდში ტრანსფერის გაოფიციალურების შემდეგ, ფრანკფურტის ბიუჯეტი ზემოაღნიშნული 6 ფორვარდის გაყიდვით საერთო ჯამში 401 მილიონით შეივსება. საინტერესოა ისიც, რომ "არწივებმა" 3 ყველაზე სარფიანი გარიგება ბოლო 2 წელში გაჩარხეს.
